今日我一早起身，唸住可以撘72A，點知去到個站個巴士部巴士啱啱黎到，但係個司機見唔到我囉，部車就咁就....走左.....，算，唯有撘火車，打電話比細佬叫佢快o的出門口，一齊撘火車，放左學我地食tea，但係唔係咁開胃，唔係好想食，食完就玩UNO，太多醒目仔，醒目女啦，係咁講錯野，笑死人啦，玩到五點半我地就走人啦，返屋企啦。

今日返工返十點半，要十點三就返到去，都係好準時，今日成日都無咩人行呀，有o的悶呀，差o的瞓著呀，成粒幾鐘都無人入黎行，都唔知間舖點生存o家，終於可以放工啦，唸住撘地鐵去尖沙咀撘271返屋企，點知等左成四個字終於有車黎啦，點知無位坐囉，我都無上到呀，點可以企到返大埔呀，我隻腳已經好攰啦，兩分鐘後又有271黎，好耶！有勁多位坐，去到映月台o個站，塞車囉，部車停左响度成半粒鐘，覺都瞓醒啦，仲未開得車，都唔知發生咩事呀，等左好耐，我部車o個司機叔叔終於頂唔住要落車睇下，唔夠五分鐘o的車終於開始行啦，司機叔叔唔知做左o的咩呢，好勁呀！之後司機叔叔開得超快，十分鐘就返到去廣福啦，再過多十分鐘我都返到怡雅苑啦，我就返屋企食我既星州炒米，正呀！

二零零七年九月十五日（星期六）

尋日返左份新工呀，我九點三就出門口，一落到樓就見到部271到站，唉...，勁跑，跑到成隻狗咁，好彩追到部巴士，唔該晒司機叔叔呀，返到公司十點七o乍，連個同事都話我咁早既，梗係啦，我不嬲都咁準時o家o麻，臨放工先有個乞人僧既客，我地都已門都鎖左啦，個客係咁叫我地開門先，點知開門係錯ｏ家，佢又要再睇過個袋，睇完仲唔拿拿聲買喎，咁係咁問，頂佢個肺呀，搞到我成四個字先走得，我約左龜o家o麻，龜已經等左成四個幾鐘啦，阻鬼住晒，就咁返左一日工啦，放左我就以極速行去撘地鐵，不過我隻腳好痛呀，去到龜都變晒樣啦，好攰啦佢，佢打左成日波，之後又行左咁多粒鐘，拿拿聲同佢食街邊野，行左陣，再食韓燒，食完就返屋企啦。

哈哈....，差唔多成三個月都無打日記啦，呢三個月發生左好多野呀，好似去左北京兩個月實習啦，去左蒙古、河北同埋天津玩啦，不過仲有好多野，一言難盡，哈哈！

尋日我辭左職啦，真係開心呀！真係有無功一身輕呀！仲有下個禮拜就開學啦，但係我仲未知分班呀，點算呀？希望入Ｃ班就好啦，因為可以同vicki一班呀，唔知得唔得呢？

太耐都無打過個xanga啦，呢幾個月我實在太忙啦，唔係要返學，就係要返工，再唔係就考試，真係攰死人啦，而家終於咩都完晒啦，開始放暑假，真係好呀，終於可以抖下啦。

今日同左vicki同ling ling去左剪我地個乞衣頭，太多人啦，剪左我地差唔多成兩個半鐘，唉...，book時間黎都唔知做咩，剪完我地去左食野，食完野就行左陣都成七點幾，vicki都要走，我同ling ling就行多陣，我就去搵龜一齊返大埔食飯，因為今日慶祝父親節，我地提早一日食，等埋龜去到明星都差唔多九點，食食食，食完同龜、阿媽同埋阿細行左陣就返屋企，太夜先行好多舖頭都已經closed左啦，有o的失望，龜送埋我返屋企，龜就走啦。

祝爹地"父親節快樂!"

今日估唔到會返學，因為我覺得呢兩堂係無聊+浪費本小姐既時間呀，又早，返到黎又唔知做咩o家喎，唉...，學校都唔知點編時間表o家，龜有野要比我，所放左學我就搵左龜先，之後我就去左返工啦，咁就過左一日。